ҷиддӣ бар сари роҳи иқомаи Ислом ҳастанд ва табъан ҳар чи сатҳи тақво ва макорими ахлоқӣ дар миёни мусалмонон аз тариқи тазкияи нафсҳои онон иртиқо ёбад, бозгашти онон ба Ислом осонтар хоҳад шуд.

7. Мумониъати душманони Ислом

Яке дигар аз асбоби адами иқомаи Ислом ба вежа дар ду қарни охир, мумонеъати душманони Ислом аз иқомаи он будааст; Чароки душманони Ислом, иқомаи онро мусталзими нобудии худ ва доштаҳои худ дар зиндагии дунё мепиндоранд ва ба ҳамин далил, аз ҳеҷ талоше барои ҷилавгирӣ аз он фуругузори намекунанд. Рӯшан аст ки ормони Ислом, адолат аст ва адолат, барои зӯрмандоне ки аз тариқи неруӣ низомӣ ва имконоти таблиғотии худ, миллатҳои озоди ҷаҳонро ба бардагии сиёсӣ ва фарҳангӣ кашидаанд, зиёнбор аст; Чароки ба даврони султаи онон бар ҷаҳон поён медиҳад ва тӯдаҳои мустазъафро бар ҷои онон менишонад; Чунонки Худованд дар ин бора фармудааст: ﴿وَنُرِيدُ أَنْ نَمُنَّ عَلَى الَّذِينَ اسْتُضْعِفُوا فِي الْأَرْضِ وَنَجْعَلَهُمْ أَئِمَّةً وَنَجْعَلَهُمُ الْوَارِثِينَ ۝ وَنُمَكِّنَ لَهُمْ فِي الْأَرْضِ وَنُرِيَ فِرْعَوْنَ وَهَامَانَ وَجُنُودَهُمَا مِنْهُمْ مَا كَانُوا يَحْذَرُونَ﴾[1]; «Ва ирода дорим бар касоне ки дар замин заъиф шумурда шуданд миннат ниҳем ва ононро пешвоёне бисозим ва ворисон қарор диҳем; Ва ононро дар замин мутамаккин гардоним ва ба Фиръавн ва ҳомон ва лашкариёнашон аз онон чизеро бинамоёним ки аз он метарсиданд»! Ба илова, адолат барои сармоядороне ки бо тасаллут бар манобеъи ҳаётии ҷаҳон ва дар инҳисор даровардани бозорҳои мамолики мустазъаф, худро сарватмандтар ва онҳоро фақиртар ва вобастатар месозанд, зиёнбор аст; Чароки бо тавзиъи мунсифонаи имконот ва шикастани инҳисорҳои бепоя, аз судҳои беҳисоби онон мекоҳад ва ҳуқуқи табақоти маҳрумро аз онон мегирад ва ба султаи онон бар иқтисоди ҷаҳон, поён медиҳад; Чунонки Худованд дар ин бора фармудааст: ﴿مَا أَفَاءَ اللَّهُ عَلَىٰ رَسُولِهِ مِنْ أَهْلِ الْقُرَىٰ فَلِلَّهِ وَلِلرَّسُولِ وَلِذِي الْقُرْبَىٰ وَالْيَتَامَىٰ وَالْمَسَاكِينِ وَابْنِ السَّبِيلِ كَيْ لَا يَكُونَ دُولَةً بَيْنَ الْأَغْنِيَاءِ مِنْكُمْ ۚ﴾[2]; «Ончи Худованд аз аҳли сарзаминҳо ба Паёмбари худ бозгардонд, барои Худованд ва барои Паёмбар